მოდული-8

სასწავლო პროექტის პორტფოლიოს გადახედვისა და დასრულების  შემდეგ გამოვაქვეყნეთ ბლოგზე.

შევქმენი ბლოგის დიზაინი. პროექტის პრეზენტაცია გამოვაქვეყნე მეორე მოდულის შეფასებაში.

მოდული-7

• განვხილეთ, როგორ გამოვიყენოთ კითხვების დასმის სხვადასხვა ტექნიკა
• შევქმენით პრეზენტაციები, დოკუმენტები, ცხრილები და ვებრესურსები, მოსწავლეზე ორიენტირებული სასწავლო პროცესის ხელშესაწყობად
• დავგეგმეთ და განვიხილეთ სასწავლო პროექტის განხორციელების იდეები
• შევქმენით მასალები
• მოდიფიცირება გავუკეთეთ სასწავლო პროექტის გეგმას
• შევაფასეთ სასწავლო პროექტის პორტფოლიოები
• განვსაზღვრეთ პროფესიული განვითარებისა და ტექნოლოგიური რესურსების წყაროები მასწავლებლებისთვის

მოდული-6

ყველა მოსწავლის საჭიროებებიდან გამომდინარე მოვძებნეთ დიფერენცირებული სწავლების გზები.

განსაკუთრებული  საჭიროების მქონე მოსწავლეებს მივეცით დამატებითი დრო და  საშუალება იმუშაონ ინდივიდუალიზებულ დავალებებზე  და ინფორმაციაზე, სხვა ენაზე მოსაუბრე მოსწავლეები შეძლებენ ინფორმაცია მოიძიონ საკუთარ ენაზე.  განსაკუთრებული ნიჭით დაჯილდოებული მოსწავლეებისათვის ხელმისაწვდომია სასწავლო მიზნების, მათი ინტერესებისა და შესაძლებლობების შესაბამისი ინფორმაცია და სხვადასხვა ინსტრუმენტი.

მოდული-5

ამ მოდულში გავეცანით თუ როგორ შეიძლება გამოვიყენოთ რუბრიკები, ქულების მინიჭების სქემები და ჩეკლისტები  პროექთზე მუშაობისას. განვიხილეთ შეფასების სტრატეგიები, შევადგინეთ მოსწავლეთა შეფასების ფორმა.

გავხსენით ჩვენი პროექტის გეგმა და დროში გაწერილი გეგმის ნაწილში დავამატეთ  შეფასების ახალი ფორმები.

მოდული-4

ელექტრონულ სახელმძღვანელოში გავხსენით და გავეცანით მოსწავლის სავარაუდო ნაშრომის პრეზენტაციას. შემდეგ გადავხედეთ ჩვენს პროექტს და მიმართულების მიმცემი საკვანძო კითხვების, არჩეული სტანდარტებისა და სასწავლო მიზნებიდან გამომდინარე შევქმენით მოსწავლის ნამუშევრის ნიმუში. გამოვიყენეთ საპრეზენტაციო პროგრამა და ინტერნეტით მოძიებული რესურსები.

მოდული-3

გავეცანით ელექტრონული მედიის  გამოყენების სამართლებრივ და ეთიკურ ნორმებს: საავტორო უფლებების ქაოსის-პრეზენტაციას. ვიმუშავეთ ინტერნეტში ინფორმაციის მოძიებასა და გამოყენებაზე.

შევქმენით ჩვენი ბლოგი რაც დაგვეხმარება აზრების, იდეების და პროექტების გაზიარებაში.

მოდული-2

შევარჩიეთ პროექტის თემა,   განათლების სამინისტროს გვერდიდან გადმოვწერეთ საგნის სტანდარტი, რომელშიც მოვნიშნეთ პროექტის შესაბამისი შედეგები და ინდიკატორები.  გავხსენით ჩვენს საქაღალდეში არსებული სასწავლო პროექტის გეგმა და შევავსეთ თემის მონახაზი:

• თემის დასახელება;
• თემის შინაარსი;

თემის საფუძვლებში შევავსეთ:

•  შინაარსობრივი სტანდარტები და ინდიკატორები;(რომელშიც შევიტანეთ სტანდარტში მონიშნული პროექტის შესაბამისი შედეგები და ინდიკატორები);
• პროექტის სასწავლო მიზნები/სწავლის შედეგები;
• მიმართულების მიმცემი საკვანძო შეკითხვები: 1. ზოგადი კითხვა;

                                                                                                 2.თემატური კითხვები;

                                                                                                 3.შინაარსობრივი კითხვები.

გეგმის შაბლონის შევსების შემდეგ ავაწყვეთ პროექტის პრეზენტაცია საპრეზენტაციო პროგრამაში.

მოდული-1

გვეცანით ელექტრონულ სახელმძღვანელოს, მისი გამოყენების ტექნოლოგიას. ვიმუშავეთ 1- ელ მოდულზე, შევქმენით პროექტისათვის საჭირო საქაღალდეები,დავარქვით შესაბამისი სახელები,  რომელშიც მოვათავსეთ ელექტრონული სახელმძღვანელოდან ამოღებული მასალები:

• 21-ე საუკუნის უნარ-ჩვევები;  
• პორტფოლიოს ჩეკლისტი;

•  პროექტის გეგმის შაბლონი;
•  სასწავლო მიზნები;
•  პორტფოლიოს რუბრიკა;
•  პროექტის მახასიათებლების ჩეკლისტი

რომელსაც გამოვიყენებთ ტრენინგის განმავლობაში პროექტის შექმნისას

22/06/2014      

გავხსენით სახელმძღვანელოს 1-ლი მოდულის მე-4 აქტივობა, გადმოვწერეთ გამოცემის ჩეკლისტი - ბუკლეტის ჩეკლისტი და კოლაჟის ბუკლეტი. გავეცანით მზა ბუკლეტს და შევქმენით ბუკლეტი: ხელოვნების სწავლება პროექტებით. ბუკლეტში შევიტანე  ჩემი საკონტაქტო ინფორმაცია, ცნობილი მხატვრის პაბლო პიკასოს გამონათქვამები ხელოვნებაზე, რა სარგებლობა მოაქვს პროექტებს, 21-ე საუკუნის უნარ-ჩვევები, ინტერნეტით მოვიძიე შესაბამისი სურათები და გავაფორმე ჩემი შექმნილი ბუკლეტი. მზა ბუკლეტი შევინახე წინა ტრენინგზე შექმნილ პაპკაში:  სასწავლო პროექტების დამხმარე. დღე ძალიან საინტერესო და შედეგიანი იყო.